Inglisild

Inglisild om sild Tarton Toomõmäe pääl, miä ehitedi Johann Wilhelm Krause projekti perrä 1816. aastagal.

Lind drooniga Kuradisillast Inglisillani

Põrõldsõ kujo sai sild 1836. aastagal Tarto Ülikooli ehitüskunsti profesri Moritz Hermann von Jacobi projekti perrä.^[1]

1913. aastagal kinnütedi renoviirmise aol Inglisilla pääle Tarto Ülikooli edimädse rektri Georg Friedrich von Parroti mälehtüsmedaljon ja pühändüstekst. Samal aastagal tetti Toomõmäele ka tõnõ, tummõmb sild, miä sai nimes Kuradisild.^[2]

Silla nimi oll' edimält Inglüse sild, aq rahvasuuh om tuust saanuq Inglisild, mink perrä om kaq naatu tõist silda Kuradisillas kutsma.

2012. aastaga mahlakuu üüse pand' kiäki silla palama, kõrdategemine läts' masma 11 600 õurot.^[3] Silla liinapuulsõ külle pääle om kirotõt "Otium reficit vires", miä tähendäs ladina keelen 'puhkus virgutas joudu'.

Lätteq

[1] ttps://register.muinas.ee/public.php?menuID=monument&action=view&id=6890

[2] ttps://register.muinas.ee/public.php?menuID=monument&action=view&id=6891

[3] Mahlakuun palanu Tarto Inglisild sai kõrda tettüs. Tarto Postimiis, 05.06.2012. Pruugit 06.03.2021

[1]

[2]

[3]