Kiidjärve
|
Kiidjärve
|
|
Pindala: 36,9 km² (2020)[1] |
  |
Kiidjärve om külä Võnnu kihlkunnan Põlva vallan.
Aolugu
toimõndaq
Kiidjärve küllä (Kidierve) om edimäist kõrda nimmat 1521. aastaga. Edimädseq teedüseq Kiidjärve mõisa kotsilõ ommaq 17. aastagasaa lõpust. 18. aastagasaa tõõsõl poolõl ehitediq mõisa süäme huunõq ja samal aol arvadaq ka park. Mõisa härbän häädü 1950. aastaga palangin, alalõ om jäänüq määnegi jago kõrvalhuunit ja 1914. aastaga Kiidjärve vabrikun tettüisist savikivest ehitet Kiidjärve vesiveski.
1928.–1931. aastil ehitedi läbi Kiidjärve Tarto–Petseri raudtii.
Küllä om XVIII aastagasaa lõpust kutsut Järve küläs, XVIII–XIX aastagasaal ka Järveveere (1793) ja Ülejärve (1834) küläs. 1920. aastil tegüsi mõisa maiõ pääle Kiidjärve asondus, miä 1940. aastis kasvi Järve külä maiõ sisse; Järve nimmati 1977. aastaga ümbre Kiidjärve küläs. 1920.–1940. aastil oll' seo ilma ao Kiidjärve külä maiõ pääl päält Kiidjärve mõisa viil neli väikutküllä: Järve, Kassioro, Lükko ja Visse.[3]
1954. aastaga oll' külä ammõtlik nimi Järve, a kõigil asotuisil oll' Kiidjärve nimi (Kiidjärve rahvamaja, Kiidjärve raamadukogo, Kiidjärve algkuul, Kiidjärve haigõmaja). 1. märtekuu pääväst 1990 oll' Kiidjärve Vastsõ-Kuustõ valla kuunsaison. 22. rehekuu pääväst 2017 om Kiidjärve Põlva vallan.
Elondus
toimõndaq2019. aastaga elli Kiidjärve külän 150 inimest. Küläst lätt läbi Tarto–Petseri raudtii ja külän om Kiidjärve raudtiipiatus.
Kiidjärve küläst juust läbi Ah'a jõgi ja külä piire sisse jääs kolm järve: Kiidjärv nink Ah'a jõe üles sulgmisõst saanu Saesaare paisjärv ja Kiidjärve veskijärv.
Kiidjärvel sündü ja oll' suvõ käve sinnäq Tennosaarõ Kalmer.
Lätteq
toimõndaq- ↑ Maa-amet, vaadatud 21. märtekuu 2020
- ↑ Statistigaammõt, vaadatud 10. märtekuu 2020
- ↑ Joalaiu Marje: Kiidjärve. Eesti kotusõnimmiraamat. Pruugit 29.10.2024
| Põlva vald |
|---|
|
Küläq: Aarna, Adistõ, Akste, Andre, Eostõ, Himma, Himmastõ, Holvandi, Ibastõ, Jaanimõisa, Joosu, Kaaru, Kadaja, Kanasaarõ, Karilatsi, Kastmõkua, Kauksi, Kiidjärve, Kiisa, Kiuma, Kuurvere, Kosova, Kähri, Kärsä, Lahe, Lahokülä, Leevi, Logina, Loko, Luutvina, Lutsu, Mamastõ, Meemaskülä, Mõtstõ, Miiastõ, Mustajõõ, Mustakurmu, Mõtskülä, Naruskikülä, Noorits-Mõtskülä, Nabakülä, Padari, Pardsi, Peri, Pragi, Puskaru, Puuri, Rasina, Roosi, Rosma, Savimäe, Soesaarõ, Suurkülä, Suurõmõtsa, S'akna, Säässaarõ, Taivaskua, Terepi, Tilsi, Trompsi, Tännässilmä, Uibumõisa, Valgimõtsa, Valgesuu, Vana-Koiola, Vanakülä, Vanamõisa, Vardja, Viisli, Voorekülä |