Mamastõ

Pindala: 13,7 km² (2020)^[1]
Elänikke: 623 (1. vahtsõaastakuu 2020)^[2]

Mamastõ (üteldäs ka vana kiräkeele mõotusõl katõ m-ga Mammastõ vai Mammaste) om külä Põlva kihlkunnan Põlva vallan.

Mamastõst lõunõ poolõ jääseq Põlva liin ni Puuri külä, õdaguhe Aarna, põhja Kiidjärve ni Taivaskua ja hummoguhe Himmastõ ja Nabakülä. Piir Himmastõ ja Nabaküläga lätt suurõn jaon Orajõkõ piten. Mamastõ lõunõjago om Põlvaga kokko kasunuq.

Põlva köstrikuul alost' umma tüüd 1688. a. Mamastõn Köstremäel. Üten Urvastõ köstrikooliga oll' tä edimäne talorahvakuul Võromaal.

Nimi

Mamastõ nime kiräpilt Mammaste tulõ vanast kiräviiest, kon -mm- näüdäs', et a om lühkü. Kiräkiilne katõ m-ga vorm om ka võro keelen levinüq, harva, ku kiäki inämb Mamastõ üte m-ga ütles. Mamastõ nimi om stE-jakuga, miä tähendäs, et eläniguq ommaq *mamadsõq, *Mama hõimu liikmõq, või ollaq varatsõmbal aol, ku külä oll' nuur, ka timä perrätulõjaq.

Õdagumeresoomõ algkeelen inemisenimme Mama es olõq. Sobivaq ommaq kreeka nimeq, miä võisõvaq siiäq tullaq joba kristlusõ aigu läbi vinne keele, selle et õigõuso kerik oll' väega puult ja pruuksõ noid. Kreeka nimeq Mamas ja Mamantos võissi olla tuu alussõs. Om ka õdagupoolidsõ seletüse võimalus. D.E. Stoebke om uurnuq eesti lisanimme Mamma Clas (Clas om edenimi, sama, miä Klaus vai Nikolaus), ja võrdõlõnuq tuud vana s'aksa inemisenimega nigu Mamo vai Mammo. Nimi om arvadaq lainat, a kost, ei olõq teedäq.^[3]

Kuulsaq inemiseq

Mamastõn ommaq sündünü koolijuht ni kirämiis Ivaski Albert ja kiränik Kurvidsa Lembit.

Pildiq

Kaeq viil

Põlva kihlkunna küläq

Lätteq

↑ Maa- ja Ruumiamet, vaadatud 21. märtekuu 2020
↑ Statistigaammõt, vaadatud 10. märtekuu 2020
↑ Saarõ Evar. Mamastõ kandi külänimmist. Võro-Seto Tähtraamat 2024, lk 41.

Põlva vald
Liin: Põlva
Alõviguq: Ah'a, Mooste, Vahtsõ-Kuustõ.
Küläq: Aarna, Adistõ, Akste, Andre, Eostõ, Himma, Himmastõ, Holvandi, Ibastõ, Jaanimõisa, Joosu, Kaaru, Kadaja, Kanasaarõ, Karilatsi, Kastmõkua, Kauksi, Kiidjärve, Kiisakülä, Kiuma, Koiolakülä, Kuurvere, Kosova, Kähri, Kärsä, Lahe, Lahokülä, Leevi, Logina, Loko, Luutvina, Lutsu, Mamastõ, Meemaskülä, Mõtstõ, Miiastõ, Mustajõõ, Mustakurmu, Mõtskülä, Naruskikülä, Noorits-Mõtskülä, Nabakülä, Padari, Pardsi, Peri, Puskaru, Puuri, Rasina, Roosi, Rosma, Savimäe, Soesaarõ, Suurkülä, Suurõmõtsa, S'akna, Säässaarõ, Taivaskua, Terepi, Tilsi, Trompsi, Tännässilmä, Uibumõisa, Valgimõtsa, Valgesuu, Vana-Koiola, Vanakülä, Vanamõisa, Vardja, Viisli, Voorekülä

[1] Maa- ja Ruumiamet, vaadatud 21. märtekuu 2020

[2] Statistigaammõt, vaadatud 10. märtekuu 2020

[3] Saarõ Evar. Mamastõ kandi külänimmist. Võro-Seto Tähtraamat 2024, lk 41.

[1]

[2]

[3]