Himmakülä

Himmakülä

Pindala: 5,3 km² (2020) Elänikke: 108 (1. vahtsõaastakuu 2020) koordinaadiq: 57°59' N 27°4' E

Himmakülä om külä Põlva kihlkunnan Põlva vallan Võro-Põlva tii veeren (Põlvahe 8 km, Võrolõ 17 km).

Külän om paarkümmend elämist. Suurõmbalt jaolt jääs külä suurõsttiist hummogu poolõ. Himmaküläst põh'a poolõ jääs Lahokülä, hummogu poolõ Naruskikülä, lõuna poolõ Ortuskülä ja õdagu poolõ Vardja. Külä hummogupiiris om Peri uja. Külän om Sika tiiristi bussipiätüs.

Nika ku 2017. aastaga Eesti umavalitsuisi tallituspüürdmiseniq käve külä Laheda valda.

2020. aastaga alostusõn elli Himmakülän 108 inemist.

Aolugu

Himmakülä om vähämbält paarsada aastakka vana.

1977. aastaga panti Himmakülä mano Lahokülä.

Kolhoosiaol oll' Himmakülän Koit-kolhoosi suurfarm (läts' käüki 1973), kon peeti lehmi, ja ehitedi 12 kortõriga nn. ütismaja. Viil 1980. aastagidõ lõpun ehit' kolhuus umilõ tüüliisile 10 üteperreelämist. Ku kolhoosiaig läbi sai, möi kolhuus suurfarmihuunõq maaha ja pääle tuud ommaq noin huunin olnu mitmõq puutüüfirmaq.

Midä kaiaq tasos

Himmakülän olõ-i suurt midägi kaiaq.

Himmakülä

Kuulsambaq inemiseq

Niinimetet ütismajan om latsõn mõnõ aastaga elänüq modell ja Eesti Malõliido president Kassi Carmen.

Kaeq viil

• Põlva kihlkunna küläq

Lätteq

Põlva vald
Alõviguq: Miss'o, Rõugõ, Varstu.
Küläq: Aarna, Adistõ, Akste, Andre, Eostõ, Himma, Himmastõ, Holvandi, Ibastõ, Jaanimõisa, Joosu, Kaaru, Kadaja, Kanasaarõ, Karilatsi, Kastmõkua, Kauksi, Kiidjärve, Kiisakülä, Kiuma, Kuurvere, Kosova, Kähri, Kärsä, Lahe, Lahokülä, Leevi, Logina, Loko, Luutvina, Lutsu, Mamastõ, Meemaskülä, Mõtstõ, Miiastõ, Mustajõõ, Mustakurmu, Mõtskülä, Naruskikülä, Noorits-Mõtskülä, Nabakülä, Padari, Pardsi, Peri, Pragi, Puskaru, Puuri, Rasina, Roosi, Rosma, Savimäe, Soesaarõ, Suurkülä, Suurõmõtsa, S'akna, Säässaarõ, Taivaskua, Terepi, Tilsi, Trompsi, Tännässilmä, Uibumõisa, Valgimõtsa, Valgesuu, Vana-Koiola, Vanakülä, Vanamõisa, Vardja, Viisli, Voorekülä