Kumari Aino

Kumari Aino (sündünüq Aino Bergmann; 1. radokuu pääväst 1938 kooniq 1940. aastaganiq Aino Helemäe; sündünüq 15. süküskuu pääväl 1908 Põlvan – koolnuq 17. rehekuu pääväl 2004 Tarton) oll' eesti tsirgutiidläne.

Timä esä Bergmanni Rudolf (Helemäe) oli aptiikri.

Tä opp' Eesti Noorõsuu Kasvatusõ Seldsi tütärlatsi gümnaasiumin Tarton, lõpõt' 1927. aastagal Võromaa Rahvaharidusõ Seldsi Tütärlatsi Gümnaasiumi ja opp' 1927–1930 Tarto Ülikooli matõmaatiga-luudustiidüskunnan ja 1932–1935 arstitiidüskunnan.

1941. aastagast oll' tä tüün Talliinan Riiklikun Luudustiidüisi Muuseumin (1944–1946 direktrin). Aastil 1947–1978 tüüt' Kumari Zooloogia ja Botaanika Instituudi tsirkõ osakunnan.

Kumari uur', kuimuudu nepiq sööväq, Õdagu- ja Hummogu-Eesti soiõ tsirkõ, tsirkõ levikut ja ku pall'o näid Väinamere saari pääl om, tsirkõ rändämist, naerukajaka levimist mandri viikokõ pääl, tsirkõ rõngastamist.

Eräelo

Tä miis oll' Kumari Eerik.