Malaisia

Malaisia

Malaisia lipp Malaisia vapp
Riigikiil	malai kiil
Pääliin	Kuala Lumpur
Suurus	330 803 km²
Rahvaarv	34 564 810 (2024)
Internetitunnus	.my

Malaisia om riik Lõunõhummogu-Aasian.

Malaisia om 13 osariigigaq föderaalnõ riik, miä kuustus katõst suurõmbast jaost: Õdagu- vai Puulsaarõ-Malaisia ja Borneo- vai Hummogu-Malaisia. Kattõ jako hoit eräle Lõunõ-Hiina meri. Puulsaarõ-Malaisial om maa- ja merepiir Taigaq ni merepiir Singapurigaq, Vietnamigaq ja Indoneesiägaq. Hummogu-Malaisial ommaq maapiiriq Brunei ja Indoneesiägaq, niisamatõ merepiiriq Filipiine ja Vietnamiga. Malaisia pääliin om Kuala Lumpur, miä om riigi kõgõ suurõmb liin ja föderaalvalitsusõ säädüseandmisvõimõ kotus.

Riik om mitmõrahvuslinõ ja -kultuurilinõ. Umbõs puul rahvast ommaq malaislasõq, viil eläs sääl hiinlaisi, indialaisi ja põlisrahvit. Riigikiil om malai kiil, inglüse kiilt tarvitõdas kah.

2020. aastaga rahvalugõmisõ perrä elli Malaisian 32 447 385 inemist, 2024. aastaga elli sääl arvadaq 34 564 810 inemist.

Malaisia om Islami Kuuntüü Organisatsiooni asotajaliigõq.