Armeeniä

Armeeniä

Armeeniä lipp Armeeniä vapp
Riigikiil	armeeniä kiil
Pääliin	Jerevan
Suurus	29 743 km²
Rahvaarv	3 015 400 (2024 arvaminõ)
Internetitunnus	.am

Armeeniä (armeeniä keelen Հայաստան, Hajastan), ammõtlidsõlt Armeeniä Vabariik (armeeniä keelen Հայաստանի Հանրապետություն, Hajastani hanrapetut’jun) om hindäperi riik Õuruupa ja Aasia piiri pääl Taga-Kaukaasian. Armeeniä pääliin om Jerevan.

Armeeniäst õdagu poolõ jääs Türgü, põhja Gruusia, hummoguhe Asõrbaidžaan ni lõunõhe Iraan. Maatiieq pand Armeeniä rohkõmb Aasiahe, a kimähe om Armeeniäl ka tihtsäq köüduseq Õuruupaga, Armeeniä om ka Õuruupa Nõvvokogo liigõq.

Pia kõik (98,1%) Armeeniä nii kolmõst mill'onast elänigust ommaq armeenläseq. Päält 90% inemiisist ommaq ristiusko. Antiigi aigu oll' Armeeniä suurriik ja sai hindäperi ka keskaol, a oll' ka Osmannõ riigi ja Vinne keisririigi osas. Päält edimäist ilmasõta sai Armeeniä jälq lühküs aos hindäperi, nika ku Nõvvokogoliit Armeeniä okupiir'. Vahtsõst sai Armeeniä jälq hindäperi 1991. aastaga.

Päält tuu om Armeenia ni Asõrbaidžaani vaihõl Mägi-Karabahhi peräst peet sõto (Mägi-Karabahhi tülü).

Kaeq viil

• Mägi-Karabahhi tülü