Vikahtkaar

Vikahtkaar vai vikatkaar vai vikakaar om värmiline kaar taivan, miä tekküs tuust, et päiv paistus õhon olõvidõ viitsilko (nt. vihmatsilko) pääle. Tuu kaari päälmäne viir om verrev ja sisemäne lilla.

Katõkõrdnõ vikahtkaar

Vikahtkaari värmiq

Vikahtkaari värmiq lääväq ütsütes sujuvalt üle, näide vaihõl olõ-iq kimmit piire. Inemiseq tegeväq sõski vaiht säitsmel vikahtkaari värmil: verrev, pihlõnõ, kõllanõ, rohilinõ, sinine, tummõsinine ja lilla.

Mõistatuisi vikahtkaari kotsilõ

• Tõõsõl maal pandas hobõst ette, luuk paistus siiäq maalõ? (Vikõrkaar. Rõugõ kihlkund, 1937.)
• Võõral maal pandas hobõst ette, luuk näüs siiäq maalõ? (Vikakaar. Urvastõ kihlkund, 1888.)
• Viidipuu, vaadipuu, üle mõtsa mõõdipuu? (Vikerkaar. Setomaa, 1888.)
• Luuk üle ilma? (Vikerkaar. Põlva kihlkund, 1966.)