Winny Puhh om eesti metal-punkansambli. Ansamblitegemist alostiq Mustingu Ove, Nõmmõ Indrek ja Sandri Olavi 1994. aastagal Käisi Johannese nimega Keskkoolin Põlvan.

Winny Puhh 2013. aastaga

Winny Puhh om tunnõt ummi viguridõ ja ulluisiga ja näid om nimmat ka maailma kõgõ imeligumbas bändis[1]. Kontsõrdi jaos pandvaq nä egä kõrd hindä poganahe rõivilõ, näütüses ommaq näil olnuq kostüümiq hõpõpaprõst ja kilest. Laembalt tuntus sai ansambli 2006. aastagal ku näide võrokeeline laul "Nuudlid ja hapupiim" võit' Raadio 2 aastaga demo avvohinna.

Winny Puhhil om ka mitmit võrokeelitsit ja eesti-võro segäkeelitsit laulõ.

Aolugu toimõndaq

Bändi luuminõ ja edimädseq aastagaq toimõndaq

Ansambliga naatiq pääle 1994. aastagal Käisi Johannese nimega Põlva Keskkoolin; edimädseq liikmõq olliq Mustingu Ove, Nõmmõ Indrek ja Sandri Olavi. Bändi sünnükuupääväs loetas 28. süküskuu päivä 1994, mil valiti ansamblile nimi.

Popis saaminõ ja etteastmisõq maailman toimõndaq

Laembalt tuntus sai ansambli 2006. aastagal ku näide võrokeeline laul "Nuudlid ja hapupiim" võit' Raadio 2 aastaga demo avvohinna.

2009. aastaga tull' ansamblihe ka tõnõ trummilüüjä Odeni Kristjan.

Raadio 2 2009. aastaga Aastahiti Top 40 edetabõlin sai laul "Peegelpõrand" 456 helüga 6. kotusõ.

Ansambli võtt' 2013. aastagal ossa konkursist Eesti Laul (kon valiti laul, miä Eestist läts' Eurovisioonilõ) lauluga "Meiecundimees üks Korsakov läks eile Lätti". Tuu lauluga saiq nä õnnõ kolmanda kotusõ, a jäiq maailman silmä ja käveq Pariisin Rick Owensi moeshow pääl mängmän.

Joulualbum toimõndaq

2023. keväjä hõigas' Winny Puhh vällä, et näil tulõvaq jo mahlakuun joulukontsõrdiq päälkirägaq "Kuuselõhna täis on tuba"[2]. Kontsõrdiq olliq vällä müüdüq, Estonia kontsõrdimaja kontsõrdi pildist' üles ERR[3].

2023. aasta lõpun kor'as' Winny Puhh Hooandjan rahha, et andaq vällä duubelvinüülplaat "kuusk kuusk kuusk"[4]. Nä saiq raha kokko ja anniq 14 laulu ja viie muinasjutuga albomi vällä 22. joulukuu pääväl 2023.

Muusiga toimõndaq

Winny Puhh om nimmanuq umma žanri seto pungis, mink pääle ommaq mitmõq setoq ütelnüq, et nimäq ommaq ärq pahandanuq, selle et Põlva poisiq ei olõ setoq ja egäsugunõ setosnakkaminõ ei olõq õigõ[5].

Liikmõq toimõndaq

Albomiq toimõndaq

Lätteq toimõndaq

  1. Winny Puhh: maailma kõgõ imeligumb ansambli. ERR. Pruugit 23.12.2023.
  2. Winny Puhh tege joulutuuri. Lõuna-Eesti Postimees 01.04.2023. Pruugit 23.12.2023. (eesti keelen)
  3. Winny Puhh. Kuuselõhna täis on tuba. ERR 23.12.2023. Pruugit 23.12.2023.
  4. Hooandja kampaania: Winny Puhh "kuusk kuusk kuusk" vinüülplaadil. Pruugit 23.12.2023. (eesti keelen)
  5. Leoski Mari. Setod: Winny Puhh pole mingid setod. LõunaLeht 28.01.2010. Pruugit 23.12.2023 (eesti keelen)

Välälingiq toimõndaq