Jón Þór Birgisson

(Ümbre saadõt artiklist Jónsi)
Jón Þór Birgisson



Jón Þór Birgisson, Victoria Park, London. Pildi pääl mäng Jónsi puugnagaq kitrat.
Sündünüq23. mahlakuu päiv 1975
Island
Ammõtmuusik, laulja


Jón Þór Birgisson vai Jónsi (islandikeeline välläütlemine [ˈjouːn ˈθouːr ˈpɪrcɪsɔːn, ˈjounsɪ], kullõq tast; sündünüq 23. mahlakuu pääväl 1975) om islandi postrokk' ansambli Sigur Rós laulja ni kitramäng'jä.

Muusiga toimõndaq

Jónsi mõist mängiq kitrat, bass'kitrat, klavõrit, mellotronni ja harmooniummi. Ta om häste tunnõt uma falseti poolõst. Jónsile om esiqperäne kaq puugnagaq kitra mängmine.

Ku tä oll' 13 aastakka vana, miildü tääle inglüse ansambli Iron Maiden ni tä opsõ mäng'mä näide laulu "Wrathchild".[1] 1994. aastagast om Jónsi olnuq islandi ansambli Sigur Rós laulja ja kitramäng'jä. Tä naksi laulma selle et oll' ainukõnõ, kiä mõist'. Sigur Rós saiõ nime Jónsi sõsara perrä, kinka nimi om Sigurrós[2].

Riceboy Sleeps (2009) toimõndaq

"Riceboy Sleeps" om Jónsi edimäne album, mink tä tekk' ilma uma ansamblildaq. Kriitiguq ütliq, et tuu album' ei olõ hää ei halv. Ameeriga aokiri and' albumilõ 5 punkti 10st[3].

Go (2010) toimõndaq

"Go" (võro keelen "Mineq!) om tõnõ Jónsi eräle tettüq album'.

Shiver (2020) toimõndaq

"Shiver" (võro keelen "Hütin") om pääle 10 aastakka Jónsi edimäne eräle tett album. Muusiga om suurõmbalt jaolt elektrooniline ja tõisist albumist pall'o tõistõ.

Albumi pääl om 11 laulu, nii inglüse ku islandi keelen. Metacritic and' albumilõ 71 punkti 100st.[4]

Obsidian (2021) toimõndaq

"Obsidian" tull' vällä 2021. aastaga rehekuun.

Keeleq toimõndaq

Jónsi imäkiil' on islandi kiil, aq ta mõist kõva islandi maugaq inglüse kiilt kah. Mõnõ Sigur Rósi albumi pääl laul ta ka vällä mõtõldun vonlenska keelen.

Eräelo toimõndaq

Islandi kultuurin olõ-õi perenimmi, tuu asõmõl om tõõsõs nimes esä, mõnikõrd kaq imä nimi ja nime lõpun suu perrä kas -son poisil vai -dóttir tütrigil. Birgisson tähendäs 'Birgiri poig'. Jónsi om gei[5] ja tävveline kasvosüüjä. Tä om sünnüst saani ütest silmäst sõkõ. 2003. aastagal pidi politsei tä kinniq, ku tä õiõnd' Kárahnjúkari viieelektrijaama vasta.

Lätteq toimõndaq

  1. https://sigurros.com/band/trivia.php
  2. https://sigurros.com/band/faq.php#04
  3. https://pitchfork.com/reviews/albums/13328-riceboy-sleeps/
  4. https://www.metacritic.com/music/shiver/jonsi
  5. https://sigurros.com/media/articles/econ0.php