Eitäjä kõnõ (keeleoppus)
Eitäjä kõnõ vai negatiiv om ütś katõst kõnnõliigist. Eitäjä kõnõ näütäs, et tuud, minkast kõnõldas, ei sünnüq vai tuud ei olõq.
Võro kiil toimõndaq
Võro keele eitüs om eesti umast mitmõkesitsemb, olõvigu ja minevigu jaos ommaq esiq sõnaq, mõlõmbal ommaq viil edeeitüs ja mitund muudu tagaeitüs, ni tagaeitüst mitund muudu. Katś eri sõnna eitüse jaos olõvigun (ei) ja minevigun (es) om võro keele eitäjä kõnnõ kõgõ tähtsämb erijuun. Naidsammo sõnno pruugitas ka mulgi, tarto ja seto keelen, aq tagaeitüs (olõ-õs) om võimalik õnnõ võro ja seto keelen.[1]
| Kõnnõviis | aig / käänüs | Tekev tegomuud | Tettäv tegomuud | ||
|---|---|---|---|---|---|
| edeeitüs | tagaeitüs | edeeitüs | tagaeitüs | ||
| Kimmäs | ollõvaig | ei võtaq | võta-aiq | ei `võetaq | võeta-aiq |
| lihtminnevaig | es võtaq | võta-as | es `võetaq | `võeta-as | |
| täüsminnevaig | ei olõq `võtnuq | olõ-õi `võtnuq | ei olõq võet | olõ-õi võet | |
| inneminnevaig | es olõq `võtnuq | olõ-õs `võtnuq | es olõq võet | olõ-õs võet | |
| Käskjä | ütsüse tõnõ käänüs | ärq `võtkuq | `võtku-uiq | – | – |
| mitmusõ edimäne käänüs | ärkeq `võtkõq | `võtkõ-õiq | – | – | |
| mitmusõ tõnõ käänüs | `ärkeq `võtkõq | `võtkõ-õiq | – | – | |
| Kaudõnõ käskjä | ollõvaig | `ärkuq `võtkuq | `võtku-uiq | `ärkuq `võetaguq | `olku-i võet |
| minnevaig | `ärkuq `olkuq `võtnuq | `võtasi-is
`võtnu-us |
`ärkuq `olkuq võet | `võetasi-is
`võetanu-us | |
| Tinkõlõja | ollõvaig | es võtasiq
es `võtnuq |
võtasi-is
`võtnu-us |
es `võetasiq
es `võetanuq |
`võetasi-is
`võetanu-us |
| minnevaig | es olõsiq `võtnuq | olõsi-is `võtnuq | es olõsi võet | olõsi-is võet | |
| Kaudõnõ | ollõvaig | ei `võttõv | (võttõv ei) | ei `võetav | (`võetav ei) |
| minnevaig | ei ollõv `võtnuq | (ollõv ei `võtnuq) | ei ollõv võet | (ollõv ei võet) | |
Kaeq viil toimõndaq
Lätteq toimõndaq
- ↑ Lindström, Liina 1997: Eitus Võru murde suulises kõnes. – Õdagumeresoomõ lõunapiiŕ. Karl Pajusalu ja Jüvä Sullõv (toim). Võro Instituudi Tõimõtiseq 1. Võro, 143–154.
- ↑ Iva, Sulev 2007. "Võru kirjakeele sõnamuutmissüsteem" Dissertationes Philologiae Estonicae Universitatis Tartuensis 20, Tartu: Tartu Ülikooli Kirjastus, lk 81.