Wikipedia:Artiklivõistlus CEE kevväi 2024

VÕROKEELINE
ARTIKLIVÕISTLUS
Kesk- ja Hummogu-Euruupa
kevväi 2024

Ossavõtjaq ja artikliq

Artiklivõistlust Kesk- ja Hummogu-Euruupa kevväi peeti 2024. aastagal võro Vikipeediän tõist kõrda. Taaga taheti saiaq Vikipeediäle mano nii artikliid ku ka kirotajit.

Võistlus om hää võimalus võrokeelist vapa võrgoentsüklopeediät inemiisile tutvustaq ja kutsuq näid üten lüümä – Vikipeediät saa jo egäüts esiq tävvendäq.

Võistlusõ kõrraldiq Võro Instituut, Wikimedia Eesti ja Wikimedia võro keele pruukjarühm. Süriin olliq Jüvä Sullõv ja Kruusamäe Ivo.

Artiklivõistlusõl oll' kokko 7 ossavõtjat, kiä kirodiq 10 artiklit.

Võistlusõ aig

Võistlust peeti 2024. aastaga 21. urbõkuu pääväst kooniq 31. lehekuu pääväni (21.03–31.05.2024). Võistlõma võidsõ tullaq egäl aol tuu vaihõ seen – võistlusartikli pidi olõma tuu ao seen alostõt ja lõpõtõt.

Miä avvohinnas oll'?

Parõmbilõ kirotajilõ olliq vällä pantuq avvohinnaq. Võistlusõ avvohinnafond oll' 500 eurot.

Kiä võidsõ ossa võttaq?

Ossa võttaq võidsõ egäüts (päält sürii liikmidõ), kiä mõist võro keelen kirotaq.

Kirotaq võidsõ ka seto, mulgi vai tarto keelen

Kiä mõistsõ, võidsõ kirotaq ka tõisin lõunõeesti keelin: seto, mulgi vai tarto keelen. Ka nuuq artikliq olliq väega oodõduq.

Pruukjanimi

Kel olõ-õi viil umma Vikipeediä pruukjanimme, tuul tulõ osavõtmisõs hinnäst kõgõpäält Vikipeediä pruukjas kirjä pandaq. Kimmähe panõq registriirmise man kirjä ka uma e-postiaadrõs.

Kuis sai uma artikli võistlusõlõ kirjä pandaq?

Hindä kirotõdu artikli link oll' vaia pandaq võistlusõst ossavõtjidõ artiklidõ leheküle pääle. Tuust sai sürii arvo, kiä olliq võistlusõst ossavõtjaq. Egäüts võidsõ võistlusõlõ kirjä pandaq nii pall'o artikliid ku esiq tahtsõ.

Minkast võidsõ kirotaq?

Võistlusõlõ oodõti inemiisi kirotama vahtsit artikliid Võromaa, Kesk- ja Hummogu-Euruupa maiõ, näide kultuuri, poliitiga, ütiskunna, aoluu ja täämbädse päävä kotsilõ.

Võistlust peeti kõrraga mitmõl maal ja mitmõn keelen ni vällä olliq pantuq ka kõgõ inämb tahetuidõ artiklidõ nimekiräq kõiki maiõ kotsilõ. Teemat võidsõ otsiq ka võro Vikipeediä kõgõ tahetumpi artiklidõ nimekiräst.

Artikli teemat es piäq siski tingimäldäq noist nimekir'ost võtma, a egä osavõtja võidsõ tuu hindäle valliq esiq. Häste sündüq tunnõduq inemiseq, üritüseq, ütisüseq, kotusõq, aoluusündmüseq, jne, jne. Teema pidi õnnõgi köüdet olõma Võromaa vai ülejäänü Kesk- ja Hummogu-Euruupaga (Eesti, Läti, Leedu, Poola, S'aksamaa, Vinnemaa, Valgõvinne, Ukraina, Austria, Tsehhi Vabariik, Slovakkia, Ungari, Serbiä, Rumeeniä, Bulgaaria, Sloveeniä, Horvaatia, Albaania, Põh'a Makõdoonia, Montõnegro, Moldova, Bosnia ja Hertsegoviina, Kosovo, Kreeka, Türgü, Gruusia, Armeeniä jne).

Kel hindäl õkva hüvvä mõtõt tulõ-õs, sai otsiq teemasit siist. Väega oodõduq olliq näütüses artikliq kõigist Võromaa ja ülejäänü Kesk- ja Hummogu-Euruupa piirkunnõst ja kotussist.

Kuis kirotaq?

Vahtsõ artikli alostamisõs vaodaq teemadõ nimekirän (vai mõnõn artiklin) sinno huvitava teemaga verevä lingi pääle. Vai kirodaq vahtsõ artikli päälkiri päälehel olõvahe vahtsõ artikli luumisõ kasti ja vaodaq nuppi Luuq leht!. Võit ka valliq joba olõman olõva lühkü artikli ja tuud tävvendäq. Kaeq pruukmisoppust ja säädüisi.

Vaia olnuq, et sa pandnuq artiklihe kirjä ka lätte, kost kirotamisõs matõrjaali löüdset, sis om artikli usaldusväärsemb ja lugõja saa taa kotsilõ lättist esiq perrä kaiaq. Raamatust, internetist vai muialt peris õkva maaha kirotaq ei toheq, tuu olnuq tõisi autoridõ loomingu vargus. Külh või tõisi kirotõdut referiiriq vai tõisi kiili vikiartikliid (lühendedült, tävvendedült) võro kiilde ümbre pandaq.

Ku tahat teedäq, määne üts hää Vikipeediä artikli pidänüq vällä näütämä, loeq ja uuriq esiqsugumaidsi jo kirotõduid artikliid, näütüses Võro lipp, Inglisild, Coimbra ülikuul, Tarto raatus, Hurda Jakob, Juurõ Mart, Nõglapai vai Ungari.

Kost saa nõvvo?

Kaeq pruukmisoppust ja säädüisi.

Küsümiisi või kirotaq seo lehe arotustõ vai saataq e-postiga sulev.iva [ät] ut.ee.

Kedä määntse avvohinnaga kiteti

Arvõhe võttõn nii artiklidõ hulka, pikkust ku kvalitiiti, a niisama ka võistlusõ teemalõ vastamist, otsust' võistlusõ hindamiskogo (Ivo Kruusamägi ja Jüvä Sullõv):

1. avvohinna 200€ saa pruukja Eluonilus artiklidõ "Ruhnu saaminõ Eesti Vabariigi alaq", "Gammalsvenskby" ja "Doroņina-Lasmane Lidija" iist;

2. avvohinda, egäleütele 50€, jagavaq pruukjaq TTimmi artikliga "Justinianus I", pruukja Sepapoiss artikliga "Vahtsõliina naasõ rahvarõivaq", pruukja Kzorlkus artikliga "Kardohkavorst", pruukja KeZah artikliga "Hiio kannõl", pruukja JRVTS artikliga "Türi" ja pruukja Gert Altin artikliga "Keti kiil".

Suur teno kõigilõ kirotajilõ!